News

وینٹی لیٹر کی تیاری میں پاکستان کا اہم کارنامہ

اسلام آباد: کورونا سے نبردآزما پاکستانی قوم کے لئے خوشخبری ہے کہ پاکستان ایٹمى توانائی کمیشن ‏نے مقامی طور پر پہلا آئى سى یو وینٹى لیٹر تیار کرلیا ہے۔

تفصیلات کے مطابق اٹامک انرجی کمیشن کی جانب سے جاری بیان میں کہا گیا کہ پاکستان ایٹمى ‏توانائی کمیشن کےسائنسدانوں نے پہلا آئى سى یو وینٹى لیٹر تیارکرلیا ہے، ڈریپ نے اس وینٹى لیٹر ‏کےاستعمال اور تیاری کی با قاعدہ منظوری دے دی ہے۔

ترجمان اٹامک انرجی کمیشن کے مطابق وینٹى لیٹر سائنسدانوں،انجینئرز نےمقامى وسائل سےتیار ‏کیا ہے، یہ وینٹی لیٹر پاکستان انوویشن اینڈ ٹیکنالوجی سینٹر اور پاکستان انجینئرنگ کونسل ‏کےمعیارات پر بھى پورا اترا ہے۔

اٹامک انرجی کمیشن کے ترجمان نے بتایا کہ مقامی طور پر تیار کردہ وینٹی لیٹر مشین پر جناح ‏اسپتال لاہور میں بھى جانچ کى گئى، جانچ میں کئی ماہرین ،بائیوٹیکنالوجی ،بائیو میڈیکل انجینئرز ‏شامل تھے، مکمل جانچ کے بعد تمام ماہرین نے اس کو کامیاب قرار ديا۔

اس تاریخی کامیابی پر پاکستان ایٹمى توانائی کمیشن کے چیئرمین محمد نعیم نے سائنسدانوں اور ‏انجینئرز کو مبارکباد دی ہے۔

Related Articles

Leave a Reply

Your email address will not be published. Required fields are marked *

Back to top button