News

احسن اقبال کا نام ای سی ایل میں ڈال دیا گیا

اسلام آباد: وفاقی حکومت نے احسن اقبال کا نام ایگزٹ کنٹرول لسٹ (ای سی ایل) میں ڈال دیا۔

تفصیلات کے مطابق پاکستان مسلم لیگ ن کے رہنما احسن اقبال پر بیرون ملک جانے پر پابندی عائد ہو گئی، وزارت داخلہ نے احسن اقبال کا نام ای سی ایل میں شامل کر لیا۔

احسن اقبال کا نام ای سی ایل میں ڈالنے کی منظوری وفاقی کابینہ نے دی تھی۔

سابق وزیر داخلہ احسن اقبال پر نارووال اسپورٹس سٹی کمپلیکس ریفرنس میں فرد جرم عائد کی جا چکی ہے، تاہم انھوں نے دسمبر 2020 میں صحت جرم سے انکار کر دیا تھا۔

اس ریفرنس میں احسن اقبال کے شریک ملزم 73 سالہ آصف شیخ نے وعدہ معاف گواہ بننے کی درخواست بھی دائر کی تھی، جس میں انھوں نے کہا تھا کہ میں بیمار ہوں اور علاج کی غرض سے امریکا جانا چاہتا ہوں، سیکشن 26 کے تحت معاف کر کے مجھے کیس میں گواہ بنایا جائے۔

Related Articles

Leave a Reply

Your email address will not be published. Required fields are marked *

Back to top button